Быйыл Нарын облусунда 37550 даана акылдуу электр эсептегичтерин орнотуу иштери башталды
2 Апрель 2025 ж.
«КУЭТ» ААКнын филиалы Нарын электр тармактар ишканасы быйыл жалпы 37 550 даана акылдуу эсептегичтерди орнотуп, аймактын электр тармагын жаңыртууну пландоодо. Бул технологиялык жаңылык аймактагы бардык райондорго калктын санына жараша бөлүнүп, жигердүү ишке ашырылууда.
2025-жылдын биринчи кварталында:
Ак-Талаа районуна - 2100 даана орнотулду, жалпы 6505 даана бөлүнгөн;
Ат-Башы районуна - 2282 даана орнотулду, 10108 даана бөлүнгөн;
Жумгал районуна - 1600 даана орнотулду, бөлүнгөнү - 8031 даана;
Тогуз-Торо - 1914 даана орнотулду, 4800 даана бөлүнгөн;
Нарын районуна - 2300 даана орнотулду, бөлүнгөнү - 8100.
Ал эми 27354 даана АСКУЭ электр эсептегичтери бул жылдын аягына чейин толугу менен орнотулуп бүтмөкчү.
Мындан тышкары, 2024-жылы Нарын шаарына жана Нарын районуна жалпы 10 954 даана акылдуу эсептегич орнотулган. Кочкор районуна 12 810 даана орнотулуп, толугу менен жабдылды.
Акылдуу электр эсептегичтеринин орнотулушу – бул жашоо сапатын жакшыртууга жана энергияны үнөмдөөгө багытталган чоң кадам. Алардын эң негизги артыкчылыктарынын бири — электр энергиясын так жана автоматтык түрдө эсептөө мүмкүнчүлүгү. Бул болсо жарандар үчүн катаал эсептөө жана эсеп-кысап иштерин "Мой свет" тиркемеси аркылуу оңой жана жеңил жүргүзүүгө, андан тышкары электр энергиясынын колдонулушун көзөмөлдөөгө мүмкүнчүлүк берет. Ошондой эле, акылдуу эсептегичтерди орнотуу менен жүктөмдөрдү туура бөлүштүрүүгө жана электр тармагын оптималдаштырууга шарт түзүлөт.
Технологиялык жаңылануу менен бирге, Нарын облусунда жашаган калк үчүн энергетика тармагындагы ыңгайлуулук жана колдоону жакшыртуу багытында чоң мүмкүнчүлүктөр ачылууда!
