Нарын электр тармактар ишканасы шаар мекемелерине семинар өткөрдү
31 Август 2023 ж.
Кечээ, Нарын электр тармактар ишканасы административдик мекемесинде жана 220/110/10 кВ "Ак-Кыя" жана 110/35/10 кВ "Нарын-1" көмөк чордондоруна шаардын мекеме- ишканаларына семинар уюштурду.
Семинардын башкы максаты шаар мекеме- ишканалары менен байланышты чыңдоо, келе жаткан күз-кыш айларына даярдыктары менен иш жүзүндө тааныштыруу болду.
Анда, "Мой свет" мобилдик тиркемесинин артыкчылыгын, колдонуу шарттарын түшүндүрүү менен электрондук тейлөөгө өтүүнү жана туура маалыматты жайылтууга басым жасоо керектиги маалымат катары айтылды.
Жана ошондой эле калк арасында электр энергиясын сарамжалдуу пайдалануу жолдору тууралуу, берилген лимитти сактоо чоң мааниге ээ экендигин баса белгилеп, азыркы учурда төлөмдү өз убагында онлайн электрондук капчыктар аркылуу жүргүзсө болоорун маалымдады. Керектүү маалыматтарга токтолуп, ар мекеменин ишкерсандарына толук маалымат жеткирүүнү суранып, андан соң көмөк чордондорго сапар алышты.
Семинарга шаар мекемелеринин башчылары, Нарын шаардык электр тармактар ишканасынын башчылары катышышты.
