Нарын облусунда 2026-жылы 21 трансформатор алмаштырылып, кошумча 6 даана орнотулат

4 Февраль 2026 ж.

Кыргыз Республикасынын Энергетика министрлиги тарабынан тармакты өнүктүрүү жана жаңылоо багытында 2026-жылга бир катар пландарды койду.

Алардын катарында Нарын облусу боюнча 2026-жылы 21 даана трансформатор алмаштыруу төмөнкүдөй пландалууда:

- Ак-Талаа району - 1 даана,

- Ат-Башы району - 3 даана,

- Кочкор району - 7 даана,

- Нарын району - 7 даана,

- Тогуз-Торо району - 3 даана.

Ал эми кошумча 6 даана трансформатор орнотуу иштери:

- Ат-Башы районуна - 1 даана,

- Жумгал районуна - 2 даана,

- Нарын районуна - 3 даана.

Мындан тышкары капиталдык жана утурумдук оңдоодон өткөрүү үчүн 2105 даана трансформатор планга коюлду.

Эске салсак, «КУЭТ» ААКнын филиалы — Нарын электр тармактар ишканасы тарабынан 2025-жылы облус боюнча жалпы 83 даана трансформатор алмаштырылып жана кошумча орнотулду. Анын ичинде:

• 10/0,4 кВ кубаттуулуктагы 61 даана трансформатор алмаштырылды;

• 10/0,4 кВ кубаттуулуктагы 22 даана трансформатор кошумча орнотулду.

Аталган иштердин натыйжасында өткөн жылга салыштырмалуу жалпы 39 217 кВА электр кубаттуулугу жогорулатылды.

Ошондой эле, 121 даана трансформатор Нарын электр тармактар ишканасынын балансына өткөрүлдү.

Аткарылып жаткан бардык иштер калкты сапаттуу жана үзгүлтүксүз электр энергиясы менен камсыз кылууга багытталган.