Нарын электр тармактар ишканасы, "Кыргызстан улуттук электр тармагы" ачык акционердик коомунун филиалы, 2024-2025 күз-кыш мезгилине даярдык көрүү максатында оңдоо иштерин жүргүзүүдө.
Бул иш-чаралардын алкагында, бүгүн Жумгал районунун Миң-Куш айылындагы 35 кВ "ТЭЦ-Өрнөк" аба чубалгысында оңдоо жумуштары аткарылып жатат.
Оңдоо иштеринин алкагында фарфордук изоляторлор алмаштырылып, номурлар жаңыртылып, байланыш кошулмалары бекемделип, бак-дарактар буталууда. Бул аракеттердин баары, электр тармактарынын туруктуу жана коопсуз иштешин камсыздоого багытталган.
Эртең, ушул эле жумуштар 35 кВ "Кара-Кече-Карьер" аба чубалгыларында улантылат.
Мындай маанилүү оңдоо иштер жергиликтүү тургундарды үзгүлтүксүз электр энергиясы менен камсыздоого багытталган.
